Lyrics

jiivan dor tumhiin sang baandhii
kyaa todenge is bandhan ko
jag ke tuufaan aandhii re aandhii
jiivan dor
ho na sake kabhii ham-tum nyaare
do tan hain ik praan hamaare
chaahe mile path men andhiyaare
chaahe ghire hon baadal kaare
phir bhii rahuungii tumhaarii tumhaarii
jiivan dor
yuun ghul mil rahanaa jiivan men
jaise rahe kajaraa akhiyan men
terii chhavi chaa_ii rahe man men
teraa hii naam rahe dhadakan men
tere daras kii main pyaasii re pyaasii
jiivan dor
aisaa mujhe varadaan milaa hai
tum kyaa mile bhagavaan milaa hai
ab to janam bhar sang rahegaa
is mehandii kaa rang rahegaa
tere charan kii main daasii re daasii
jiivan dor