Lyrics

jab ham javaan honge jaane kahaan honge
lekin jahaan honge vahaan par yaad karenge
tujhe yaad karenge
ye bachapan kaa pyaar agar kho jaayegaa
dil kitanaa khaalii-khaalii ho jaayegaa
tere kayaalon se ise aabaad karenge
tujhe yaad karenge
aise hansatii thii vo aise chalatii thii
chaand ke jaise chhupatii aur nikalatii thii
sab se terii baaten tere baad karenge
tujhe yaad karenge
tere shabanamii kvaabon kii tasaviiron se
terii reshamii zulfon kii zanjiiron se
kaise ham apane aap ko aazaad karenge
tujhe yaad karenge
zahar judaa_ii kaa piinaa pad jaaye to
bichhad ke bhii ham ko jiinaa pad jaaye to
saarii javaanii bas yuun hii barbaad karenge
tujhe yaad karenge