Ek Ladki Hai Lyrics - Pyaar Impossible | Priyanka Chopra | Anupam Kher | Rahul Vohra | Rishika Sawant - LyricsTashan

Ek ladki hai song is from Pyaar Impossible (2010) and it is sung by Rishika Sawant.It stars Priyanka Chopra, Anupam Kher, Rahul Vohra, Uday Chopra in leading roles. This song is penned by Anvita Dutt Guptan and composed by Salim Merchant, Sulaiman Merchant. It is produced by Uday Chopra. This song was released on 08 Jan 2010.

Ek thi ladki meri saheli
Saath pali aur saath hi kheli
Phoolon jaise gaal the uske
Resham jaise baal the uske
Ham usko gudiya kehte the
Rangon ki pudiya kehte the
Saari thi mujhe pyaari thi wo
Nanheen raajdulaari thi wo
Ek din usne bholepan se
Poochha ye paapa se ja ke
Ab main khush rehti hu jaise
Sada hi kya khush rahungi aaise
Paapa bole meri bacchhi
Baat bataaun tujh ko sacchhi
Kal ki baat na koi jaane
Kehte hain ye sabhi siyaane
Ye mat socho kal kya hoga
Jo bhi hoga acchha hoga
Ye mat socho kal kya hoga
Jo bhi hoga acchha hoga

Bachpan beeta aai jawaani
Ladki ban gayi roop ki raani
College mein ithalaati phirti
Bal khaati lehraati phirti
Ek sundar chanchal ladke ne
Chhup-chhup kar chupke-chupke se
Ladki ki tasveer banaayi
Aur ye keh kar use dikhaayi
Is par apna naam to likh do
Chhota sa paigaam to likh do
Ladki pehle to sharamaai
Phir man hi man mein muskaai
Ik din usne bholepan se
Poochha ye apne saajan se
Ab main khush rehti hu jaise
Sada hi kya khush rahungi aaise

Usne kaha ki meri raani
Itni baat hai maine jaani
Kal ki baat na koi jaane
Kehte hain ye sabhi siyaane
Ye mat socho kal kya hoga
Jo bhi hoga acchha hoga
Ye mat socho kal kya hoga
Jo bhi hoga acchha hoga
Ye mat socho kal kya hoga
Jo bhi hoga acchha hoga
Oon hoon oon hoon oon hoon

Ik paradesi door se aaya
Ladki par haq apna jataaya
Ghar waalon ne haami bhar di
Pardesi ki marzi kar di
Pyaar ke waade huye na poore
Rah gaye saare khwaab adhoore
Chhod ke saathi aur hamsaaye
Chal di ladki des paraaye
Do baanhon ke haar ne roka
Vaadon ki deewaar ne roka
Ghaayal dil ka pyaar pukaara
Aanchal ka har taar pukaara
Par ladki kuch munh se na boli
Patthar ban kar gair ki ho li
Ab gumsum hairaan si hai wo
Mujhse bhi anjaan si hai wo
Jab bhi dekho chup rehti hai
Kehti hai to ye kehti hai
Kal ki baat na koi jaane
Kehte hain ye sabhi siyaane
Ye mat socho kal kya hoga
Jo bhi hoga acchha hoga
Ye mat socho kal kya hoga
Jo bhi hoga acchha hoga
Ye mat socho kal kya hoga
Jo bhi hoga acchha hoga.