जो बँधा नहीं वह शंकर है Jo Bandha Nahin Weh Shankar Hai Lyrics

Main Tumhe Samajhne Ki Koshish Karna Bhi Vyarth Samajhta Hoon
Main Apni Saanson Ke Uthane Girne Ka Arth Samajhta Hoon
Isliye Tumhe Main Yahi Kahin Bas Aas Paas Hi Paata Hoon
Tum Kahaan Nahi Tum Sada Yahi Ye Khud Ko Hi Bas Samjhata Hoon

Jo Sahaj Saral Vah Shankar Hai
Jo Amay Garal Vah Shankar Hai
Jo Harsh Dosh Hai Shankar Hai
Jo Mukt Dosh Se Shankar Hai

Jo Bahta Jaye Shankar Hai
Jo Sahta Jaye Shankar Hai
Jo Hriday Karun Vah Shankar Hai
Jo Kiran Arun Vah Shankar Hai
Hey Shambho Mahadeva Hey Shambhu Mahadeva

Main Nahi Dhoondhta Phirta Tumko Kahin Bhatak Kar Parvat Van Mein
Main Nahi Poojta Har Pal Tumko Dhyan Lagaye Antar Man Mein

Isliye Tumhe Main Yahi Kahin Bas Aas Paas Hi Paata Hoon
Tum Kahaan Nahi Tum Sada Yahi Ye Khud Ko Hi Bas Samjhata Hoon

Jo Man Anant Vah Shankar Hai
Jo Tan Vasant Vah Shankar Hai
Jo Geet Sunaye Shankar Hai
Jo Nritya Dikhaye Shankar Hai

Jo Chhand Rachaye Shankar Hai
Jo Rang Sajaye Shankar Hai
Jo Mujhe Hasaaye Shankar Hai
Jo Mujhe Rulaaye Shankar Hai

Jo Ungli Thaame Shankar Hai
Jo Haath Jhatak De Shankar Hai
Main Kaise Shabdon Mein Baandhu
Jo Bandha Nahi Vah Shankar Hai
Hey Shambho Mahadeva Hey Shambhu Mahadeva