Tum mujhe bhool bhi jao song is from and it is sung by and .It stars , , , in leading roles. This song is penned by and composed by . It is produced by Sadasiv. This song was released on 01 Jan 1959.
Meri baat aur hai, maine to mohabbat ki hai
Tum mujhe bhool bhi jao to yeh haq hai tumko

Mere dil ki, mere jazabat ki keemat kya hai
Ulajhe ulajhe se khyalat ki keemat kya hai
Maine kyun pyar kiya tumne na kyun pyar kiya
In pareshan savalat ki keemat kya hai
Tum jo yeh bhi na batao to yeh haq hai tumko
Meri baat aur hai, maine to mohabbat ki hai
Tum mujhe bhool bhi jao to yeh haq hai tumko

Zindagi sirf mohabbat nahin kuchh aur bhi hai
Zulf-o-rukhsar ki jannat nahin kuchh aur bhi hai
Bhookh aur pyaas ki maari hui is duniya mein
Ishq hi ek haqikat nahin kuchh aur bhi hai
Tum agar ankh churao to yeh haq hai tumko
Maine tumse hi nahin sabse mohabbat ki hai
Tum agar ankh churao to yeh haq hai tumko

Tumko duniya ke gham-o-dard se fursat na sahi
Sabse ulfat sahi mujhse hi mohabbat na sahi
Main tumhari hun yehi mere liye kya kam hai
Tum mere hoke raho yeh meri kismat na sahi
Aur bhi dil ko jalao to yeh haq hai tumko
Meri baat aur hai maine to mohabbat ki hai
Tum mujhe bhool bhi jao to yeh haq hai tumko