O Dilbar Jaaniye Tere Hain Hum Tere Lyrics - Haseena Maan Jayegi | Johnny Walker | Shashi Kapoor | Ameeta | Mohammad Rafi

O dilbar jaaniye tere hain hum tere
Chhupa lenge in aankhon mein
Sanam hum gham tere
O dilbar jaaniye tere hain hum tere
Chhupa lenge in aankhon mein
Sanam hum gham tere
O dilbar jaaniye tere hain hum tere

Yoon baat baat baat pe tum rootha na karo
Dil tod tod tod maza loota na karo
O jaan-e-jana yeh to hai ruswaai pyaar ki
In baaton se badh jaayegi mehangai pyaar ki
Dhoondhe nahin paaogi tum bazaar mein aashiq
Daudenge fifty sixty ki raftar se aashiq
Phir naam le ke pyaar ka tum gaya karogi
Sar phod ke deewaron se chillaya karogi
O dilbar jaaniye tere hain hum tere
Chhupa lenge in aankhon mein
Sanam hum gham tere
O dilbar soniye tere hain hum tere

Ik din tumhare dil mein bhi ik aag uthegi
Toofan uthega, mohabbat jaag uthegi
Ho jaaye aisa haal to kar lena mujhko yaad

Sar ke bal chal kar aaoonga sunkar teri fariyad
Dil se mere khele ho ab tum sar se bhi khelo
Yeh dil jigar gurda tumhara hai tumhi le lo
Ustad hoon Majnu ka main Farhad ka chela
Har haal mein haarega jo dil se mere khela
O dilbar jaaniye tere hain hum tere
Chhupa lenge in aankhon mein
Sanam hum gham tere
O dilbar heeriye tere hain hum tere

O bewafa toone mujhe kahin ka na chhoda
Tu gussa jo karti hai kar le pyaar bhi thoda
Tere bina jeena mera jeena hai kya jeena
Tadpoonga main jab aayega savan ka mahina
Woh husn bhi kya husn hai jo ishq na jaane
Dildar ko aur yaar ko bilkul na pehchane
Meri wafa ek din kuchh aisa rang laayegi
Yeh naaznee zaalim hasina maan jaayegi
Hasina maan jaayegi, hasina maan jaayegi
O dilbar jaaniye tere hain hum tere
Chhupa lenge in aankhon mein
Sanam hum gham tere
O dilbar soniye tere hain hum tere