Madhushaalaa Lyrics - Non-Film | Saigal | Non

madiraalaya jaane ko ghar se chalataa hai piine vaalaa -2
kis path se jaauun, asamanjas men hai vo bholaa bhaalaa
alag alag path batalaate sab,
alag alag path batalaate sab, par main ye batalaataa huun
raah pakad tuu ek chalaa chal, paa jaayegaa madhushaalaa
paa jaayegaa madhushaalaa

sun kal kal, chhal chhal, madhughat se giratii pyaalon men haalaa
sun kal kal, chhal chhal
kal kal, chhal chhal, madhughat se giratii pyaalon men haalaa
sun runajhun runajhun jal vitaran, karatii madhu saaqii baalaa
bas aa pahunche, duur nahiin
bas aa pahunche, duur nahiin, kuchh chaar kadam ab chalanaa hai
chahak rahe sun piinevaale, mahak rahii le madhushaalaa
chahak rahe sun piinevaale, mahak rahii le madhushaalaa
laal suraa kii dhaar lapat sii, kah na ise denaa jvaalaa
kah na ise denaa jvaalaa
phenil madiraa hai, mat isako kah denaa ura kaa haalaa
dard nashaa hai is madiraa kaa,
dard nashaa hai is madiraa kaa, vigat smritiyaan saaqii hai
piidaa men aanand jise ho, aaye merii madhushaalaa
piidaa men aanand jise ho, aaye merii madhushaalaa
dharmagranth sab jalaa chukii hai,
dharmagranth sab jalaa chukii hai, jisake antar kii jvaalaa
mandir masajid girije sab ko, tod chukaa jo matavaalaa
pandit momin paadariyon ke phandon ko jo kaat chukaa
kar sakatii hai aaj usii kaa svaagat merii madhushaalaa
kar sakatii hai aaj usii kaa svaagat merii madhushaalaa
laalaa_it adharon se jisane haay nahiin chuumii haalaa
harsh vikanpit karase jisane haay na chhuaa madhu kaa pyaalaa
haath pakad lajjit saaqii kaa,
haath pakad lajjit saaqii kaa, paas nahiin jisane khiinchaa
paas nahiin jisane khiinchaa
vyarth sukhaa daalii jiivan kii, usane madhumay madhushaalaa
vyarth sukhaa daalii jiivan kii, usane madhumay madhushaalaa
bane pujaarii, premii saaqii, gangaajal paavan haaraa
rahe pherataa, avirat gati se madhu ke pyaalon kii maalaa
aur liye jaa, aur piye jaa
aur liye jaa, aur piye jaa, isii mantra kaa jaap kare
main shiv kii pratimaa ban baithuun, mandir ho ye madhushaalaa
main shiv kii pratimaa ban baithuun, mandir ho ye madhushaalaa
ek baras men, ek baar hii, jagatii holii kii jvaalaa
ek baar hii lagatii baazii, jalatii diipon kii maalaa
duniyaa vaalon kintu kisii din aa madiraalaya men dekho
aa madiraalaya men dekho
din ko holii, raat divaalii, roz manaatii madhushaalaa
din ko holii, raat divaalii, roz manaatii madhushaalaa
adharon par ho koii bhii ras, jiivhaa par lagatii haalaa
bhaajan ho koii haathon men, lagataa rakhkhaa hai pyaalaa
har suurat, saaqii kii suurat
har suurat, saaqii kii suurat, main parivartit ho jaatii
aankhon ke aage ho kuchh bhii, aankhon men hai madhushaalaa
aankhon ke aage ho kuchh bhii, aankhon men hai madhushaalaa
sumukhii tumhaaraa, sundar mukh hii, mujhako kanchan kaa pyaalaa
chhalak rahii hai, chhalak rahii hai
chhalak rahii hai jisame maanik ruup madhur maadak haalaa
main hii saaqii banataa main hii piine vaaalaa banataa huun
piine vaaalaa banataa huun
jahaan kahiin mil baithe ham tum, vahiin gayii ho madhushaalaa
jahaan kahiin mil baithe ham tum, vahiin gayii ho madhushaalaa
do din hii madhu mujhe pilaa kar, kuub uthii saaqii baalaa
do din hii madhu mujhe pilaa kar, kuub uthii saaqii baalaa
bhar kar ab khisakaa detii hai, vah mere aage pyaalaa
naaz adaa andaazon se ab, haay pilaanaa duur huaa
ab to kar detii hai keval, farza-adaa_ii madhushaalaa

ab to kar detii hai keval, farza-adaa_ii madhushaalaa
ab to kar detii hai keval, farza-adaa_ii madhushaalaa
farza-adaa_ii madhushaalaa
chhote se jiivan men kitanaa pyaar karuun, pii luun haalaa
chhote se jiivan men kitanaa pyaar karuun, pii luun haalaa
aane ke hii saath jagat men, aane ke hii
aane ke hii saath jagat men, kahalaayaa jaanevaalaa
svaagat ke hii saath vidaa kii,
svaagat ke hii saath vidaa kii, hotii dekho taiyaarii
band lagii hone khulate hii,
band lagii hone khulate hii, merii jiivan madhushaalaa
merii jiivan madhushaalaa
shaant sakii ho, ab tak saaqii
shaant sakii ho, ab tak saaqii pii kar kis ura kii jvaalaa
aur aur kii ratan lagaataa,
aur aur kii ratan lagaataa, jaataa har piine vaalaa
kitanii ichchhaayen harjaane vaalaa, chhod yahaan jaataa
kitane aramaanon kii ban kar kabr khadii hai madhushaalaa
kitne armaanon ki ban kar kabr khadi hai madhushala
yam aayegaa saaqii ban kar, saath liye kaalii haalaa
yam aayegaa saaqii ban kar, saath liye kaalii haalaa
pii, na hosh men phir aayegaa, suraa-visudh yah matavaalaa
yah antim behoshii, antim saaqii, antim pyaalaa hai
pathik, pyaar se piinaa isako,
pathik, pyaar se piinaa isako, phir na milegii madhushaalaa
phir na milegii madhushaalaa
giratii jaatii hai din pratidin pranayanii praanon kii haalaa
bhagn huaa jaataa din pratidin subhage meraa tan pyaalaa
ruuth rahaa hai mujhase ruupasi, din din yauvan kaa saaqii,
suukh rahii hai din din sundarii
suukh rahii hai din din sundarii, merii jiivan madhushaalaa
merii jiivan madhushaalaa
dhalak rahii ho tan ke ghat se, sanaginii jab jiivan haalaa,
paatra garal kaa le jab antim saaqii ho aanevaalaa
haath-paras bhuule pyaale kaa -2
haath-paras bhuule pyaale kaa, svaad-suraa jiivhaa bhuule,
kaano men tum kahatii rahanaa
kaano men tum kahatii rahanaa
madhukan pyaalaa madhushaalaa -2
mere adharon par ho antim, vastu na tulasidal pyaalaa
merii jiivhaa par ho antim, vastu na gangaajal haalaa
mere shav ke piichhe chalane vaalon, yaad ise rakhanaa
raam naam hai satya na kahanaa -2
kahanaa sachchii madhushaalaa -2
mere shav par vah roye, ho jisake aansuun men haalaa
aah bhare vah, jo ho surbhit madiraa pii kar matavaalaa
de mujhako ve kandhaa jinake pag mad dagamag hote hon
aur jaluun us thor jahaan par kabhii rahii ho madhushaalaa
aur jaluun us thor jahaan par kabhii rahii ho madhushaalaa
aur chitaa par jaaye undelaa paatr na ghrit kaa, par pyaalaa
khaant bandhe anguur lataa men madhya na jal ho, par haalaa
praan priiye yadi shraardha karo tum meraa to aise karanaa
piine vaalon ko bulavaa kar, khulavaa denaa madhushaalaa
piine vaalon ko bulavaa kar, khulavaa denaa madhushaalaa
naam agar koii puuchhe to, kahanaa bas piinevaalaa
kaam dhaalaanaa, aur dhaalaanaa sabko madiraa ka pyaalaa
jaati priiye, jaati priiye puuchhe yadi koii,
kah denaa diivaanon kii
dharm bataanaa pyaalon kii le maalaa japanaa madhushaalaa
dharm bataanaa pyaalon kii le maalaa japanaa madhushaalaa
pitri paksh men putra uthaanaa ardhya na kar men, par pyaalaa
baith kahiin par jaanaa, gangaa saagar men haalaa
kisii jagah kii mittii bhiige, triptii mujhe mil jaaegii
tarpan arpan karanaa mujhako,
padh padh kar ke madhushaalaa
tarpan arpan karanaa mujhako, padh padh kar ke madhushaalaa