Kabhii Yuun Bhii Aa Merii Aankh Men Lyrics - Rifaaqat | Ahmed Hussain | Mohammed Hussain

kabhii yuun bhii aa merii aankh men ki merii nazar ko kabar na ho
mujhe ek raat nawaaz de, magar usake baad sahar na ho
wo badaa rahiim-o-kariim hai, mujhe ye sifat bhii ataa kare
tujhe bhuulane kii duaa karuun to merii duaa men asar na ho

mere baajuon men thakii-thakii, abhii mahv-e-kwaab hai
chaandanii
na uthe sitaaron kii paalakii, abhii aahaton kaa guzar na ho
kabhii din kii dhuup men jhuum ke, kabhii shab ke phuul ko chuum ke
yuun hii saath-saath chalen sadaa kabhii katm apanaa safar na ho