Hum Tere Pyaar Me Lyrics - Dil Ek Mandir | Meena Kumari | Raaj Kumar | Lata Mangeshkar - LyricsTashan

Hum tere pyaar me song is from Dil Ek Mandir (1963) and it is sung by Lata Mangeshkar.It stars Meena Kumari and Raaj Kumar in leading roles. This song is penned by Hasrat Jaipuri and composed by Shankar Jaikishan. It is produced by P Madhavan. This song was released on 08 Aug 1963.

hum tere pyar me sara aalam kho baithe hai, kho baithe
tum kahte ho ke aise pyar ko bhool jaao, bhool jaao
hum tere pyar me sara aalam kho baithe hai, kho baithe
tum kahte ho ke aise pyar ko bhool jaao, bhool jaao
hum tere pyar me sara aalam

panchhi se chhudakar uska ghar, tum apne ghar par le aaye
ye pyar ka pinjara man bhaaya, hum ji bhar bhar kar musakaye
jab pyar hua is pinjare se, tum kahne lage aazaad raho
hum kaise bhulaye pyar tera, tum apni jubaan se ye na kaho
ab tumsa jahaan me koi nahi hai, hum to tumhare ho baithe
tum kahte ho ke aise pyar ko bhool jaao, bhool jaao
hum tere pyar me sara aalam

is teri charan ki dhool se hum ne apni jiwan maang bhari
jab hi to suhaagan kahlaayi, duniya ki najar me pyaar bani
tum pyar ki sundar moorat ho, aur pyar hamari puja hai
ab in charno me dam nikle, bas itni aur tamanna hai
hum pyar ke gangaajal se balam ji tan man apna dho baithe
tum kahte ho ke aise pyar ko bhool jaao, bhool jaao
hum tere pyar me sara aalam

sapno ka darpan dekha tha, sapno kaa darpan tod diya
ye pyar ka aanchal humne to daaman se tumhare baandh liya
ye aisi gaanth hain ulfat ki, jisko naa koi bhi khol saka
tum aan base jab is dil me, dil fir to kahi na dol saka
o pyar ke saagar hum teri laharo me naaw dubo baithe
tum kahte ho ke aise pyar ko bhool jaao, bhool jaao
hum tere pyar me sara aalam kho baithe hai, kho baithe