Har Ek Ranj Men Raahat Hai Aadamii Ke Liye Lyrics - Bhupinder

har ek ranj men raahat hai aadamii ke liye
payaam-e-maut bhii mujadaa hai zindagii ke liye
chaman men phuul bhii har ek ko nahiin milate
bahaar aatii hai lekin kisii kisii ke liye
hamaarii kaak ko daaman se jhaadane waale
sab is maqaam se guzarenge zindagii ke liye

unhiin ke shiishaa-e-dil chuur chuur ho ke rahen
taras rahe the jo duniyaa men dostii ke liye
ye sochataa huun zamaane ko kyaa hu_aa yaa rab
kisii ke dil men muhabbat nahiin kisii ke liye
hamaare baad andheraa rahegaa mahafil men
bahut charaag jalaa_oge roshanii ke liye