मतवाली घटा - Aaj Kii Kaalii Ghataa, Mast-Matavaalii Ghataa Lyrics - Geeta - LyricsTashan

मतवाली घटा - aaj kii kaalii ghataa, mast-matavaalii ghataa song is from Uski Kahani (1966) and it is sung by Geeta.It stars Dina Pathak, Tarun Ghosh and Anju Mahendroo in leading roles. This song is penned by Kaifi Azmi and composed by Kanu Roy. It is produced by Rajan Chawla. This song was released on 01 Jan 2018.

aaj ki kaalii ghataa, mast-matavaalii ghataa
mujhase kahatii hai ki pyaasaa hai koi
kaun pyaasaa hai, mujhe kyaa maaluum
aaj kii kaalii ghataa
pyaas ke naam se jii darataa hai
is ilzaam se jii darataa hai
shauk-e-badanaam se jii darataa hai
miithii nazaron men samaayaa hai koi
kyon samaayaa hai, mujhe kya maaluum
aaj kii kaalii ghataa
pyaasii aankhon men muhabbat leke
ladakhadaa jaane kii ijaazat leke
mujhase bevajah shikaayat leke
dil kii dahaliiz tak aayaa hai koi

kaun aya hai, mujhe kya maaluum
aaj kii kaalii ghataa
kuchh mazaa aane lagaa jiine men
jaag uthaa dard koi siine men
mere ehasaas ke aaine men
ik saayaa nazar aataa hai koi
kisakaa saayaa hai, mujhe kyaa maaluum
aaj kii kaalii ghataa
zindagii pahale na thii itani hasiin
aur agar thii to mujhe yaad nahiin
yahii afasaanaa na ban jaaye kahiin
kuchh nigaahon se sunaataa hai koi
kyaa sunaataa hai, mujhe kya maaluum
aaj kii kaalii ghataa